Sa është rritur prania e NATO-s në Kosovë?

Aktualisht në Kosovë janë prezentë 4,687 pjesëtarë të misionit paqeruajtës të NATO-s në Kosovë, KFOR.

Pjesëtarët janë ushtarë të 27 vendeve të botës. Gjatë tetorit, KFOR-it që udhëhiqet nga komandanti turk, Ozkan Ulutash, iu bashkuan 134 trupa shtesë nga Rumania dhe 200 pjesëtarë të tjerë nga Mbretëria e Bashkuar.

Në periudhën e njëjtë të vitit të kaluar, KFOR-i numëronte 3,762 pjesëtarë në Kosovë, e shtimin e ka arsyetuar me tensionet e rritura në veriun e banuar me shumicë serbe.

Italia prin me numrin më të lartë të pjesëtarëve të saj që shërbejnë në Kosovë, gjithsej 869, e pasuar nga SHBA (593), Hungari (433), Turqia (369), Austria (271), Greqia (260), Polonia (245), Mbretëria e Bashkuar (241), Rumania (214), Zvicra (190), Kroacia (151), Bullgaria (142), Letonia (136), Sllovenia (91), Shqipëria (89), Finlanda (70), Gjermania (70), Maqedonia e Veriut, (60), Armenia (57), Moldavia (41), Republika Çeke (36), Danimarka (35), Irlanda (13), Kanadaja (5), Suedia (3), Mali i Zi (2), Lituania (1), shkruan REL.