Kurti, pjesë e panelit të Forumit Ekonomik të Vjenës

Kryeministri i Kosovës, Albin Kurti, do të marrë pjesë në edicionin e 20-të, jubilar, të Forumit Ekonomik të Vjenës.

Ai do jetë pjesë e panelit, ku do të diskutohet mbi temën “Ndërtimi i Bashkëpunimin Ekonomik në Kohë të Vështira”, nga ora 14:05 të së hënës.

Kurti do jetë mysafir i Karl-Renner-Institut për të diskutuar mbi temën “Kosova: Shteti i ri demokratik si peng i interesave gjeopolitike”, diskutim që fillon në orën 18:00.

Të martën, Albin Kurti do të zhvillojë takime me përfaqësues të kompanive private të sektorit të energjisë, për t’i njoftuar më për së afërmi me mundësitë për investime që Kosova ofron në këtë fushë.

Promovimi i bashkëpunimit ekonomik rajonal ka qenë qëllimi i Forumit Ekonomik të Vjenës që nga themelimi i tij në vitin 2004, përcjell albinfo.ch.