Në kërkim nga Interpoli, arrestohet serbi në Kosovë

Policia e Kosovës ka arrestuar të martën në Zhetkovc të Zveçanit një shtetas të Serbisë, nën dyshimin se ka kryer vepër penale kontrabandë mallrash, heqje apo dëmtim i vulave zyrtare, përcjell albinfo.ch.

Siç njofton policia, pas verifikimit, ai ka rezultuar se është person i kërkuar nga Interpoli.

“Fsh. Zhetkovc, Zveçan  10-11.11.2023 – 10:45. Më 28.11.2023 është arrestuar i dyshuari serb, shtetas i Serbisë, si i dyshuar lidhur me rastin. I njëjti lidhur me rastin pas intervistimit është liruar. Pas verifikimit, i dyshuari ka rezultuar si person i kërkuar nga INTERPOL-i (nga autoritetet e Serbisë) dhe me urdhër të prokurorit i njëjti është dërguar në mbajtje”, thuhet në raportin 24-orësh të Policisë.