Përshkrimi i antibiotikëve është rritur dukshëm në Zvicër që nga pandemia

Recetat zvicerane të antibiotikëve janë dyfishuar gjatë pandemisë Këtë e tregon një studim i ri i studiuesve në Spitalin Universitar të Bazelit.

Sipas studimit të botuar në revistën “Clinical Microbiology and Infection”, përdorimi i antibiotikëve u dyfishua nga rreth 8 në 16 receta antibiotike për 100 konsulta, transmeton albinfo.ch. Rritja masive në praktikën e recetave ishte evidente për të gjitha klasat e antibiotikëve, përfshirë ato që nuk janë të destinuara kryesisht për trajtimin e infeksioneve të frymëmarrjes. Kjo përkundër faktit se antibiotikët nuk funksionojnë kundër viruseve si koronavirusi, siç theksoi Universiteti i Bazelit.

Ekipi hulumtues tani dëshiron të hetojë nëse praktikat e përshkrimit ndryshuan përsëri në vitet që pasuan pandeminë. Përveç kësaj, në bashkëpunim me Qendrën Zvicerane për Rezistencën ndaj Antibiotikëve, ajo dëshiron të zbulojë se si zhvillohet rezistenca si rezultat i rritjes së përdorimit të antibiotikëve.