Gjermania po përgatitet për trazirat e mundshme gjatë festave të fundvitit

Gjermani - unsplash - photo by Florian Wehde

Dje, ministrja e Brendshme e Gjermanisë, Nancy Faeser, tha se ajo i frikësohet një përsëritjeje të trazirave të Vitit të Ri dhe sulmeve ndaj shërbimeve të urgjencës në Berlin dhe në qytete të tjera, përcjell albinfo.ch.

“Jam e shqetësuar se nata e Vitit të Ri mund të jetë edhe një herë një ditë në të cilën ne jemi të detyruar të përjetojmë zemërim të verbër dhe dhunë të pakuptimtë në disa qytete, për shembull, kundër oficerëve të policisë ose shërbimeve të urgjencës”, i tha Faeser grupit mediatik RND, raporton DeutcheWelle në gjuhën angleze.

Në fillim të vitit 2023, të paktën 41 oficerë policie u plagosën vetëm në kryeqytet dhe pati dhjetëra sulme ndaj reaguesve të urgjencës.

Ka pasur raportime se kamionët e zjarrit supozohet se janë “joshur në prita” dhe janë qëlluar me fishekzjarre dhe janë goditur me gurë dhe arka birre në qytete, duke përfshirë Këlnin, Hamburgun dhe Dortmundin.

“Për mua, kjo dhunë e pafrenuar është krejtësisht e pakuptueshme dhe nuk mund të justifikohet me asgjë”, tha Faeser.

“Në ditë si nata e Vitit të Ri, ne tani shohim një rritje të përgjithshme të dhunës”, vazhdoi Faeser, “dhe, natyrisht, duhet të vëzhgojmë me shumë rreth këtij rreziku e kësaj përzierjeje me radikalizimin, të cilin po e shohim tani në dritën e konfliktit të Lindjes së Mesme”.

Në janar, policia e Berlinit tha se 145 persona u arrestuan në lidhje me dhunën në natën e Vitit të Ri në kryeqytet, duke përfshirë 38 persona, të cilët u arrestuan në mënyrë specifike në lidhje me sulmet ndaj policisë dhe stafit të shërbimeve të urgjencës.

Prej tyre, dy të tretat ishin shtetas gjermanë dhe shumica ishin nën 21 vjeç.