Kolona të gjata, deri në 7 orë pritje në pikat kufitare për të dalë nga Kosova

Mërgimtarët që po kthehen në vendet e Perëndimit pas pushimeve në Kosovë, po përballen me pritje të gjata nëpër pikat kufitare, përcjell albinfo.ch.

Sipas përditësimit të fundit që ka bërë Qendra Kombëtare për Menaxhim Kufitar, në Merdar kolona ka arritur në 3 mijë e 500 metra, derisa pritjet po zgjasin deri në 7 orë.

Pritje të gjata ka edhe në pikën kufitare në Mutivodë, ku duhet të presin deri në 2 orë e gjysmë.

Te Dheu i Bardhë pritjet po zgjasin deri në 1 orë e 10 minuta, derisa në Jarinje një orë. Ndërkohë, në Muçibabë pritjet janë deri në gjysmë ore. Në pikat e tjera kufitare s’ka pritje të gjata.