Lajme
Ndryshimet që kanë pësuar zviceranët në shëndetin e tyre
Njerëzit në Zvicër kanë më shumë dhimbje, flenë më keq dhe marrin më shpesh droga të forta, këtë e tregojnë rezultatet e Sondazhit të Shëndetit Zviceran 2022, të cilat u publikuan sot. Këto janë shtatë zhvillime të jashtëzakonshme, transmeton albinfo.ch.
- Njerëzit po marrin më shumë medikamente
Më shumë se gjysma e popullsisë (55 për qind) kishte marrë një mjekim në shtatë ditët para anketës. Një vlerë maksimale! Tridhjetë vjet më parë, konsumi i tyre ishte shumë më i ulët 38 për qind; 15 vjet më parë ishte 50 për qind.
Gratë marrin ilaçe më shpesh se burrat – dhe përqindja rritet me moshën. Aktualisht, një e katërta e mirë e popullsisë merr qetësues. 30 vjet më parë ishte vetëm 12 për qind. Pothuajse një në dhjetë njerëz (9 për qind) merr një mjekim psikotropik (përfshirë pilula gjumi, qetësues dhe antidepresivë) – kjo përqindje ka mbetur e qëndrueshme gjatë 15 viteve të fundit, shkruan Blick.
- Çdo i treti ka gjumë të shqetësuar
Pikërisht një e treta e popullsisë vuan nga problemet e gjumit, duke përfshirë më shumë gra se burra dhe më shumë të moshuar se të rinj. Çrregullimet e gjumit janë shtuar: 25 vjet më parë, vetëm 28 për qind e njerëzve prekeshin prej tyre. Sot, 7 për qind e popullsisë ka probleme patologjike të gjumit, 26 për qind kanë të ashtuquajturat çrregullime të moderuara.
- Përdorimi i pilulës së kontrollit të shtatzënisë ka rënë
Në vitin 2022, njerëzit në Zvicër përdornin më shpesh prezervativë dhe pilula. Por pilula po bëhet gjithnjë e më e papëlqyeshme dhe përdoret përgjysmë më pak, në krahasim me 20 vite më parë: Në vitin 2002, 43 për qind e 15 deri në 24 vjeç e përdorën pilulën; aktualisht është vetëm 24 për qind. Dhe në grupin e 25 deri në 34 vjeç proporcioni ra nga 39 në 20 për qind. Në vend të pilulës, shpesh përdoren prezervativë ose, për shembull, spirale.
- Djemtë përdorin më shpesh droga të forta
Përdorimi i drogave të forta – veçanërisht kokainës – po rritet. 20 vjet më parë, vetëm 1 për qind e 15-34-vjeçarëve raportuan se kishin përdorur droga të forta në 12 muajt e fundit. Sot numri është më i lartë: Në sondazhin aktual, 3 për qind e moshave 15 deri në 24 vjeç i janë përgjigjur po pyetjes për konsumimin e heroinës, kokainës, ekstazisë etj. Ndër 25 deri në 34 vjeç ishte madje 4 për qind.
- Më shumë investim në dhëmbë të bukur
Pothuajse dy nga tre të rinj të rritur kanë mbajtëse në gojë: Në grupmoshën 15 deri në 24 vjeç, 63 për qind aktualisht mbajnë mbajtëse që korrigjojnë pozicionin e dhëmbëve dhe nofullës. Përqindja e njerëzve në Zvicër që kanë mbajtur mbajtëse është vazhdimisht në rritje: aktualisht është 35 përqind; në vitin 2002 ishte vetëm 23 për qind.
- Një popull i të verbërve
Miopia është rritur gjatë 30 vjetëve të fundit (nga 32 në 43 për qind). Në të njëjtën kohë, shikimi zvogëlohet me moshën. E kombinuar, kjo do të thotë se përqindja e njerëzve që mbajnë syze ose lente kontakti në Zvicër është rritur ndjeshëm. Sot proporcioni është 68 për qind. Në vitin 1992 ishte 59 për qind.
- Më shumë shqetësime fizike
Një në katër persona vuante nga ankesa të rënda fizike në katër javët para anketës. Më shpesh përmendet: dobësi e përgjithshme (46 për qind). Ankesa e dytë më e zakonshme është dhimbja e shpinës (45 për qind).
Zyra Federale e Statistikave vëren se këto ankesa fizike janë rritur në krahasim me vitin 1992.
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)