Rritet numri i vizitorëve në Kalanë e Rozafës, në Shkodër

Numri i turistëve që vizitojnë Kalanë e Rozafës, në Shkodër, është në rritje. Gjatë muajit janar të këtij viti janë regjistruar 961 viztorë më shumë se sa në periudhën e njëjtë të vitit të kaluar.

Drejtoria Rajonale e Trashëgimisë Kulturore, Shkodër, ftoi të gjithë të apasionuarit pas historisë ta vizitojnë Rozafatin, për t’u njohur me historinë e për të kaluar një ditë plot aventura të paharrueshme në kala.

Sipas statistikave të publikuara nga DRTK, Shkodër, nga 1-31 janar 2024 kalaja u vizitua nga 3542 vizitorë, ndërsa një vit më parë kjo shifër arriti në 2581 persona.

Krahas vizitueshmërisë, janë rritur dhe të ardhurat nga shitja e biletave, në masën 20, 6%./ATSH