Lajme
Numër rekord i tërmeteve të shënuara në Zvicër gjatë 2023-ës
Rreth 1500 tërmete u regjistruan në Zvicër dhe afër kufijve të saj vitin e kaluar, shifra e dytë më e lartë vjetore pas vitit 2019, transmeton albinfo.ch.
Shumica e tërmeteve u gjurmuan në sekuencat e tërmeteve pranë kufirit zviceran, si në Singen në Gjermaninë jugore, Sierentz në Francë dhe Courmayeur në Italinë veriore, tha të mërkurën Shërbimi Sizmologjik Zviceran.
Sipas njoftimit, shumica ishin shumë të dobët për t’u ndierë nga popullsia, ndërsa u tha se viti i kaluar u karakterizua nga disa sekuenca tërmetesh në të cilat dridhje të shumta ndodhën në nivel lokal për disa ditë apo edhe muaj. Tri tërmetet më të forta rezultuan nga këto sekuenca, shkruan swissinfo.
Dridhja më e fortë, me magnitudë 4.3 ballë, u vu re më 22 mars në Haute Ajoie pranë Réclère në kantonin perëndimor të Jura. Ky ishte tërmeti më i fortë në këtë rajon në 100 vitet e fundit. Lëkundjet u ndjenë qartë në Jura dhe në të gjithë pjesën e mesme perëndimore, ndërsa raporte të izoluara u raportuan edhe nga Lozana, Berna, Lucerni dhe Cyrihu.
Vitin e kaluar pati edhe disa tërmete, të cilët u ndjenë qartë pavarësisht magnitudës së tyre më të vogël. Sipas Shërbimit Sizmologjik, kjo është zakonisht për shkak të një kombinimi të thellësisë së cekët, efekteve përforcuese të nëntokës lokale dhe ndikimeve të tjera topografike, si dhe nga koha e tërmetit.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
“Qeveria kantonale duhet të sjellë Eurovisionin në Cyrih” Kwshilltarja kantonale e GLP-sw, Chantal Galladé dëshiron të dijë nga qeveria kantonale se si është e...
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta
-
Zvicra ‘shtyn’ ukrainasit të punojnë më shumë
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet