Kosova
Qeveria e Kosovës vlerësohet me 51 pikë nga 100 në përmbushjen e reformave evropiane
Në Barometrin e Reformave Evropiane të prezantuar sot nga Grupi për Studime Juridike dhe Politike (GLPS) dhe Instituti i Kosovës për Politika Evropiane (EPIK), nga 13 ministritë e Qeverisë së Kosovës, tetë prej tyre kanë treguar performancë të mirë dhe pesë të tjera kanë treguar performancë të kufizuar në zbatimin e reformave evropiane në vitin 2023. Barometri ka vlerësuar performancën e Qeverisë së Kosovës, përkatësisht ministrive relevante në zbatimin e reformave të Bashkimit Evropian, transmeton albinfo.ch.
Qeveria e Kosovës është vlerësuar me 51 nga 100 pikë totale.
Në “Edicionin e Parë” të Barometrit, që përfshin periudhën janar-dhjetor 2023, pjesë e vlerësimit kanë qenë 13 ministri nga 16 teksa zëvendësja e shefit të BE-së në Kosovë, Eva Palatova, ka thënë se barometri është mjet i dobishëm për të forcuar dialogun ndërmjet shoqërisë civile, Qeverisë dhe Bashkimit Evropian.
Drejtori i Institutit EPIK, Demush Shasha, ka thënë se rruga e integrimit të Kosovës është pezulluar nga prilli i vitit 2016, duke mos pasur asnjë përparim.
Tetë ministritë me performancë të mirë janë:
Ministria e Ekonomisë me 64 pikë;
Ministria e Mjedisit, Planifikimit Hapësinor dhe Infrastrukturës me 64 pikë;
Ministria e Arsimit, Shkencës, Teknologjisë dhe Inovacionit me 60 pikë;
Ministria e Bujqësisë, Pylltarisë dhe Zhvillimit Rajonal me 60 pikë;
Ministria e Punëve të Brendshme me 56 pikë;
Ministria e Industrisë, Ndërmarrësisë dhe Tregtisë me 56 pikë;
Ministria e Drejtësisë me 53 pikë; dhe
Ministria e Financave, Punës dhe Transfereve me 53 pikë.
Pesë ministritë me performancë të kufizuar janë:
Ministria për Kthim dhe Komunitete me 46 pikë;
Ministria e Shëndetësisë me 45 pikë;
Zyra e Kryeministrit me 39 pikë;
Ministria e Kulturës, Rinisë dhe Sporteve me 36 pikë; dhe
Ministria e Administrimit të Pushtetit Lokal me 29 pikë.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë