Kosovë: Arrestohet një serb për krime lufte e dhunë seksuale

Policia e Kosovës, në bashkëpunim me Prokurorinë Speciale të Republikës së Kosovës ka arrestuar një person të nacionalitetit serb, për veprën penale ‘’Krimet e luftës kundër popullatës civile”.

“I dyshuari Ž.N. (1954) është arrestuar sot, më 04.03.2024, rreth orës 16:00 në Mitrovicën e veriut. I lartcekuri është i dyshuar për veprën penale “Krime lufte kundër popullatës civile – Dhunë seksuale‘’, të kryer gjatë vitit 1999 në komunën e Vushtrrisë”, thuhet në njoftimin e Policisë, transmeton albinfo.ch.

I njëjti, siç raportojnë autoritetet, është intervistuar në prezencë të avokatit mbrojtës, dhe me aktvendim të Prokurorit të Prokurorisë Speciale është dërguar në ndalim për 48 orë.