Lajme
Komuniteti Mysliman Shqiptar në Zvicër uron muajin e Ramazanit
Duke qenë se jemi në fillim të muajit Ramazan, Komuniteti Mysliman Shqiptar në Zvicër uron të gjithë besimtarët e fesë myslimane, përcjell albinfo.ch.
Të nderuar vëllezër e motra!
Komuniteti Mysliman Shqiptar në Zvicër informon besimtarët se me perëndimin e diellit të dielën, më 10 mars 2024, nis muaji i shenjtë Ramazan. Dita e hënë, 11 mars 2024, shënon fillimin e agjërimit për Ramazanin e këtij viti. Me rastin e ardhjes së këtij muaji të bekuar, ju dëshirojmë begati, mirësi, harmoni, tolerancë dhe dashuri të ndërsjellë, duke iu lutur Allahut për një muaj me plot mirësi e bekime.
Muaji Ramazan është një muaj i rëndësishëm për besimtarët myslimanë në mbarë botën. Gjatë këtij muaji, agjërohet nga agimi deri në perëndim të diellit, duke u përmbajtur nga ushqimi, pija dhe nga veprimet negative si shenjë ibadeti dhe përkushtimi ndaj Allahut. Ramazani është një kohë për reflektim, lutje, lexim të Kur’anit dhe ngritje shpirtërore. Ai është, gjithashtu, një kohë për bamirësi dhe solidaritet me ata në nevojë, duke forcuar lidhjet si komunitet dhe duke ndihmuar në ndërtimin e një shoqërie më të mirë dhe më të drejtë.
Le të kujtojmë që agjërimi, lutjet dhe veprat e mira që kryejmë gjatë këtij muaji janë rrugë për të arritur paqe të brendshme dhe harmoni me të tjerët dhe se, duke qenë të bashkuar, jemi më të fortë dhe më të aftë për të përballuar sfidat që i kemi përpara.
Ndërsa hyjmë në këtë muaj të bekuar, le të bëjmë thirrje për një Ramazan të mbushur me paqe, shëndet dhe prosperitet për të gjithë. Le të kujdesemi për njëri-tjetrin dhe t’i ndajmë së bashku mirësitë që na janë dhënë.
Zoti i Madhëruar qoftë me ju sot e mot, përgjithmonë!
Për hajr muaji i bekuar i Ramazanit!
Me respekt,
Hfz. Mehas Alija
Kryetar i KMSHZ-së
Të tjera nga Lajme
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Zvicër
-
74 punonjës të Pfizer në Zug kërcënohen me largim nga puna Pasi mori përsipër specialistin e kancerit Seagen, i cili ka një degë në Zug, Pfizer zbuloi...
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in