Zvicër: Cilët janë sektorët që po kërkojnë punëtorë më shumë?

Punëdhënësit në shumë sektorë dhe në shumicën e rajoneve të Zvicrës po planifikojnë të rrisin fuqinë e tyre punëtore në të ardhmen e afërt.

Perspektivat e punësimit në Zvicër mbeten të mira – më mirë, në fakt, se në vendet e tjera – me shumë kompani vendase që planifikojnë të punësojnë më shumë punëtorë.

Ky sondazh i ri i Manpower Group ka gjetur se për sa i përket rekrutimit, Zvicra “shquhet midis paqëndrueshmërisë globale dhe performon mirë në krahasimin evropian – 14 pikë mbi mesataren rajonale”.

Sipas metrikës së Manpower, “perspektiva neto e punësimit” e Zvicrës qëndron në 29 për qind. Si krahasim, ky numër në Francë është 18 për qind, në Gjermani dhe Austri 17 për qind dhe në Itali 7 për qind.

Arsyeja kryesore e kësaj tendence është mungesa e vazhdueshme akute e punëtorëve të kualifikuar, e shoqëruar edhe me “ndryshimet demografike”, si numri i lartë i atyre që dalin në pension, me të dy faktorët që krijojnë mijëra vende të lira të paplotësuara në gjithë vendin.

 

Cilat industri në veçanti kërkojnë punonjës të rinj?

Kujdesi shëndetësor është krye – 44 për qind e kompanive në këtë sektor kërkojnë të rekrutojnë staf.

Më pas është sektori financiar dhe i pasurive të paluajtshme (43 për qind e firmave po përpiqen të rekrutojnë punëtorë të rinj); transporti, logjistika dhe automobila (42 për qind); si dhe mallrat dhe shërbimet e konsumit (41 për qind).

 

Po në rajonet ku punëtorët nevojiten më shumë?

Në krye të listës është Gjeneva dhe Vaud, ku 50 për qind e kompanive kërkojnë të punësojnë punonjës të rinj.

Pasohet nga Zvicra qendrore (49 për qind), pjesa veriperëndimore e vendit (45 për qind) dhe zona e Cyrihut (40 për qind).

Në përgjithësi, punëdhënësit në të gjitha rajonet duan të punësojnë staf, me një përjashtim, ai Ticino i cili nuk ka plane për punëtorë. /Albinfo.ch

 

 

 

 

---