Deputeti Islam Aliaj: Krenar për arritjet, do të luftoj për të drejta të barabarta

Deputeti i parë shqiptar në Parlamentin e Zvicrës, Islam Aliaj, gjatë qëndrimit në Kosovë në një interviste dhënë televizionit publik të Kosovës tha se ndjehet krenar që është deputet në Parlamentin zviceran.

“Unë jam shqiptari i parë në Parlamentin e Zvicrës dhe jam shumë krenar për këtë arritje. Ky është një hap i madh për mua dhe shoqërinë tonë. Që 13 vite jam aktivist i njerëzve me aftësi të kufizuara, duke luftuar për të drejta të barabarta. Kontributi im është duke vazhduar më shumë në parlament, ku jemi duke bërë ndryshimet në ligje për një jetë më të mirë për njerëzit me aftësi të kufizuara”, tha ai, përcjell albinfo.ch.

Gjatë ditës së sotme ai u prit në takim nga kryeministri Albin Kurti, me të cilin biseduan për mundësinë e bashkëpunimit për mbrojtjen dhe jetësimin e të drejtave të personave me aftësi të kufizuara.