Lajme
Eurodeputeti austriak kërkon largimin e masave ndëshkuese ndaj Kosovës
Në takimin e 11-të të Komisionit Parlamentar të Stabilizim Asociimit BE-Kosovë, ka qenë pjesëmarrës edhe eurodeputeti austriak, Lukas Mandl, njëherësh edhe bashkëkryesuesi i Komisionit parlamentar.
Ai ka folur për çështjet e dialogut Kosovë- Serbi dhe për masat që Bashkimi Evropian ia ka vendosur Kosovës, ku ka kërkuar heqjen e tyre.
“Ky takim zhvillohet në një moment me rëndësi për Kosovën dhe BE- në. Nga takimi i marsit Kosova ka përjetuar dy ngjarje, dhuna në maj dhe sulmi terrorist në Banjskë. Përsëris thirrjen e PE -së për normalizim të marrëdhënieve Kosovë- Serbi. Ftoj që të ketë implementim të plotë të marrëveshjeve të Brukselit dhe Ohrit, pa vonesa. Theksoj që Parlamentit Evropian i vjen keq për masat që i janë bërë Kosovës dhe kërkon heqjen e tyre. PE ka qenë përkrahës i madh i liberalizimit dhe na vjen mirë që qytetarët e Kosovës tash po lëvizin lirshëm”, ka thënë ai.
Mandl ka thënë se është obligim i Bashkimit Evropian që ta mbështesë Kosovën.
Takimi është kryesuar nga shefja e Grupit Parlamentar të LVV-së, Mimoza Kusari – Lila, e cila ka thënë se bashkësia ndërkombëtare ka marrë parasysh progresin e Kosovës.
“Jemi falënderues ndaj tre eurodeputetëve që kanë ardhur në Prishtinë. Prezenca e juaj është dëshmi e lidhjes së fortë të Kosovës me BE-në. Kemi edhe rekomandimin pozitiv nga Këshilli i Evropës- bashkësia ndërkombëtare ka marrë parasysh progresin. Parlamenti Evropian ka qenë aleat i palëkundur, rezolutat e të cilit e kanë ndihmuar vendit, e sidomos rezoluta për rastin e Banjskës që e ka dënuar Serbinë dhe ka inkurajuar hetimet. Çmojmë thirrjen tuaj për heqjen e masave, sepse kjo është e rëndësishme”, u shpreh Kusari-Lila./Kallxo.com
E-Diaspora
-
Njoftim për bashkatdhetarët: Kanë mbetur vetëm edhe 10 ditë deri në mbylljen e afatit për regjistrimin e popullsisë ReKos 2024 Konsullatat e përgjithshme në të gjitha shtetet e Evropës, përfshirë edhe shtetasit shqiptarë në Amerikë dhe...
-
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
Jeta në Zvicër
-
Ambasadori Sprecher dhe ministrja Nagavci nënshkruan marrëveshje bashkëpunimi për projektin “Matching Skills to Jobs” Mbështetja e sistemit të arsimit profesional ...
-
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane