Kosova
Osmani: Hap i suksesshëm miratimi i raportit për anëtarësim në KE
Presidentja Vjosa Osmani e ka cilësuar të suksesshëm miratimin e opinionit që rekomandon anëtarësimin e Kosovës në Këshillin e Evropës.
“Ne do të vazhdojmë të punojmë me aleatët për të siguruar që të gjithë qytetarët tanë të kenë qasje në instrumentet e KE-s nëpërmjet anëtarësimit të plotë të Kosovës”, ka shkruar ajo në rrjetin social X.
Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që janë përmbushur kushtet për t’u bërë anëtare e plotë e Këshillit të Evropës.
Hapi i radhës, sipas këtij komiteti, do të jetë më 18 prill, kur do të hidhet në votim ky raport para Asamblesë Parlamentare në përbërjen e saj të plotë.
Zëvendësministri për Punë të Jashtme dhe Diasporë, Kreshnik Ahmeti, u shpreh se raporti rekomandon anëtarësimin e Kosovës në Këshillin e Evropës “pa asnjë parakusht shtesë”.
“Asnjë nga zotimet që duhet t’i marrë përsipër Kosova nuk kërkohet të realizohen para anëtarësimit. Madje në pikën 11 thuhet qartë se zotimi duhet të adresohet pas anëtarësimit”, shkroi ai në Facebook.
Sipas tij, të gjitha propozimet që të vendosen parakushte të reja “janë refuzuar nga shumica e anëtarëve të Komitetit, gjë që tregon se Kosova duhet të bëhet anëtare në maj të këtij viti dhe parakushtet e reja do të ishin të padrejta”.
Tutje shton se “opinioni kërkon largimin e fusnotës nga denominimi i Kosovës, fusnotë e cila është përdorur që nga viti 2008 në çdo raport dhe komunikim mbi dhe me Kosovën. Gjithashtu, rekomandohet që Kosova të ftohet si shtet (state), sipas nenit 4 të Statutit të KE, dhe jo si vend (country), sipas nenit 5”, bën të ditur Ahmeti.
Anëtarësimi i Kosovës në Këshillin e Evropës do të ketë ndikim të jashtëzakonshëm në promovimin dhe mbrojtjen e të drejtave të të gjitha komuniteteve të vendit.
E-Diaspora
-
Shuma që shpenzoi mërgimtari për shtatoren e Skënderbeut në Gjakovë Mërgimtari Gjergj Prenkoçaj është ideatori dhe financuesi i monumentit të heroit Gjergj Kastrioti Skëndërbeut, i cili...
-
Integrimi: Hapi i parë, si ta thyejmë izolimin
-
Gjuha shqipe në Zvicër, një realitet në rritje, që pret të njihet
-
Marigona do të ngjitet në skenën prestigjioze të operës në Frankfurt
-
Konsulli i Kosovës në Cyrih thirrje bashkatdhetarëve për regjistrim
Jeta në Zvicër
-
Shuma që shpenzoi mërgimtari për shtatoren e Skënderbeut në Gjakovë Mërgimtari Gjergj Prenkoçaj është ideatori dhe financuesi i monumentit të heroit Gjergj Kastrioti Skëndërbeut, i cili...
-
Tetë orë të rralla nga koleksioni i Schumacher në Gjenevë, dalin në ankand
-
Integrimi: Hapi i parë, si ta thyejmë izolimin
-
Aktivistët e klimës bllokojnë qasjen për në Gotthard, 13 kilometra kolona e automjeteve
-
Gjuha shqipe në Zvicër, një realitet në rritje, që pret të njihet