Për herë të parë, EPFL-në do ta drejtojë një grua

Një grua do të drejtoj Universitetin Politeknik të Lozanës

Më 27 mars 2024 Këshilli Federal zgjodhi Anna Fontcuberta i Morral si Presidenten e re të EPFL-ë. 49-vjeçarja aktualisht është profesore e shkencave materiale dhe fizikës në EPFL në Lozanë. Ajo do të pasojë Martin Vetterlin më 1 janar 2025, përcjell albinfo.ch.

Për herë të parë, EPFL, Instituti Federal i Teknologjisë në Lozanë, do të drejtohet nga një grua. Të mërkurën, Këshilli Federal emëroi Anna Fontcuberta i Morral në rolin e presidentes së EPFL. Profesorja 49-vjeçare e shkencave dhe inxhinierisë së materialeve do të pasojë Martin Vetterlin më 1 janar 2025.

E emëruar për një mandat të rregullt katërvjeçar, Anna Fontcuberta i Morral është një studiuese e njohur që e ka bërë laboratorin e saj gjysmëpërçues një lider botëror në nanoteknologjinë e qëndrueshme, tha qeveria në një njoftim për shtyp. Mësimdhënësja, e cila ka shtetësi të dyfishtë zvicerane-spanjolle, është gjithashtu bashkëthemeluese e startup-it Aonex Technologies.

Si zëvendëspresidente e asociuar e EPFL-së, përgjegjëse për qendrat dhe platformat, ajo tashmë është e përfshirë në menaxhimin akademik të institucionit. Ajo gjithashtu ka punuar për më shumë se tetë vjet për Fondacionin Kombëtar të Shkencës Zvicerane, në të cilin ka qenë anëtare e Komitetit Ekzekutiv që nga viti 2020.

https://www.admin.ch/gov/de/start/dokumentation/medienmitteilungen.msg-id-100549.html

 

---