Lajme
Romë: Koncert mbresëlënës i Korit të Filarmonisë së Kosovës
Ambasada e Republikës së Kosovës në Itali, në bashkëpunim me Ministrinë e Kulturës, Rinisë dhe Sportit dhe Filarmoninë e Kosovës, organizuan Koncertin e Korit të Filarmonisë, i cili u mbajt dje në Konservatorin prestigjioz të Muzikës Santa Cecilia në Romë, përcjell albinfo.ch.
Mirëseardhje u uroi drejtori i Konservatorit, Franco Antonio Mirenzi, i cili mirërpriti gjithë të pranishmit, ku nënvizoi se koncerti i Korit të Filarmonisë është vetëm fillimi i bashkëpunimit me Ambasadën e Kosovës në Romë.
Ambasadorja Lendita Haxhitasim, në fjalën e saj të hapjes përshëndeti Korin e Filarmonisë së Kosovës, i cili për herë të parë performoi në Romë, nën udhëheqjen e Mjeshtrit të madh, Rafet Rudi, drejtor i Orkestrës, dhe me pjesëmarrjen e violinistit tonë të nderuar, Prof. Sihana Badivuku. Më pas ajo falënderoi drejtorin e Konservatorit, Franco Antonio Mirenzi, për mikpritjen dhe bashkëpunimin.
Kori është një ansambël profesional i përbërë nga 50 këngëtarë që ka performuar në skenat kombëtare dhe ndërkombëtare që nga vitet 1980. Që nga viti 2003, kur u rithemelua pas ndërprerjes brutale nga regjimi jugosllav, Kori është pjesë përbërëse e Filarmonisë së Kosovës. Falë angazhimit të drejtorit dhe kompozitorit Rudi, Kori, mbetet i përkushtuar për rizbulimin, restaurimin dhe përshtatjen e letërsisë korale nga autorë antikë me origjinë shqiptare.
Me një program të posaçëm të përgatitur enkas për mbrëmjen, kori performoi me shumë mjeshtri, duke u zhytur fillimisht në thesarin historik të muzikës sonë nga e kaluara, e më pas duke prezantuar edhe një përzgjedhje të kujdesshme të disa prej veprave më të rëndësishme ndërkombëtare, por edhe të letërsisë bashkëkohore në Kosovë, si dhe premierën “Gëzimi i të dashuruarit” të Aulon Nacit.
Në fund, para fillimit të koncertit, ambasadorja Haxhitasim nënvizoi rëndësinë e madhe që ka zhvillimi i diplomacisë kulturore në marrëdhëniet diplomatike ndërmjet Kosovës dhe Italisë, sepse u shpreh e bindur se ajo ka një rëndësi të madhe për të dyja palët. Ky shkëmbim mes kulturave të ndryshme, që historikisht janë ndërthurur me njëra-tjetrën, i pasuron të dy vendet, duke kontribuar në zhvillimin e mëtejshëm të marrëdhënieve dypalëshe ndërshtetërore. /Albinfo.ch
E-Diaspora
-
Aviokompania zvicerane që flet shqip Aviokompania zvicerane CHAIR është e vetmja kompani që ofron sqarime të specializuara në gjuhën shqipe në...
-
LAPSH e Cyrihut përshëndet përpjekjet për institucionalizimin e mësimit shqip në diasporë
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
Jeta në Zvicër
-
Aviokompania zvicerane që flet shqip Aviokompania zvicerane CHAIR është e vetmja kompani që ofron sqarime të specializuara në gjuhën shqipe në...
-
Buxheti i mbrojtjes i propozuar prej 15 miliardë frangash, pritet të dështojë
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë