Një i vdekur nga tramvaji në Gjenevë

(KEYSTONE/Christian Beutler)

Mbrëmjen e së dielës një këmbësor ka mbetur i lënduar rëndë në një aksident nga një tramvaj në Gjenevë. Burri ndërroi jetë në spital gjatë mbrëmjes.

Pak pas orës 20:30, të dielën e Pashkëve, një këmbësor u godit nga një tramvaj në ndalesën Plainpalais në Gjenevë dhe u tërhoq zvarrë disa metra larg. Sipas policisë kantonale të Gjenevës, burri u dërgua në spital me lëndime të rrezikshme për jetën dhe vdiq gjatë mbrëmjes.

Brigada Routière et Accidents (BRA) po heton rrethanat e vdekjes nën drejtimin e zyrës së prokurorit publik. I ndjeri është burrë i lindur në vitin 1967. Ai është fataliteti i dytë i këtij viti në rrugët e Gjenevës, sipas policisë./20minuten