Presidentja Osmani kujton 25-vjetorin e Masakrës së Rezallës

Vjosa Osmani

Presidentja e Republikës së Kosovës ka kujtuar 25-vjetorin e Masakrës së Rezallës, përcjell albinfo.ch.

Më 5 prill të vitit 1999 forcat e regjimit serb vranë 98 djem e burra.

“Forca të regjimit gjenocidal të Serbisë, më 5 prill të vitit 1999 rrethuan shtëpitë e fshatit Rezallë dhe në mënyrë mizore vranë 98 djem e burra. Eshtrat e 44 të vrarëve janë gjetur disa vite më pas në Rudnicë të Rashkës. Regjimi kriminal serb kreu krime të tilla makabër kudo nëpër Kosovë, ndaj sjellja para drejtësisë e autorëve të krimit është e nevojshme dhe e domosdoshme”, ka thënë Osmani.

“Drejtësi për viktimat dhe kujtim i përhershëm për to! Qoftë i përhershëm kujtimi për të gjithë të rënët për liri”, shtoi ajo.