Bajqinovci, me përfaqësuesit e komunitetit shqiptar në Shtëpinë e Bashkisë së Grazit

Deputeti i Kuvendit të Kosovës nga radhët e VV-së, Mefail Bajqinovci, ka bërë të ditur se është takuar me përfaqësuesit e komunitetit shqiptar, për një vizitë të veçantë në Shtëpinë e Bashkisë së Grazit dhe në Landtag-un e Steiermark-ut, përcjell albinfo.at.

“Sot isha mysafir në Landin e Steiermarkut dhe komunën e Gracit në Austri, së bashku me përfaqësuesit e komunitetit shqiptar, isha i ftuar për një vizitë të veçantë në Shtëpinë e Bashkisë së Grazit dhe në Landtag-un e Steiermark-ut. Asamblisti Arsim Gjergji i qytetit në Graz, si mikpritës dhe organizator i këtij takimi, së bashku me kryetarin e partisë së SPÖ z. Klubobmann Johannes Schwarz, në nivelin e Landit. Komuniteti shqiptar ishte i përfaqësuar nga kryetarët e shoqatave, kryetari i Këshillit koordinues të shoqatave shqiptare në Graz, z.Valton Halimi, dr.Emir Haxhiu, dr.Mimoza Shema Kastrati, arkitekt dhe ambasador i Kombit z. @Fatmir Osmani, z. Gani Maxhuni, z. Enver Maxhuni dhe z.Armond Aliu, kryetar i rrjetit të biznesit të Steiermarkut dhe me dhjetëra afaristë dhe profesionistë nga fushat e ndryshme. Në fjalën time përgëzova komunitetin për arritje dhe falënderova shtetin e Austrisë për përkrahjen e vazhdueshme në arenën ndërkombëtare për Kosovën”, është shprehur ai.