Kosova
Ministri i Mbrojtjes në Kosovë: FSK-e gatshme të përballet me kërcënimet nga Serbia
Ministri i Mbrojtjes në Kosovë, Ejup Maqedonci, ka deklaruar se Forca e Sigurisë së Kosovës mund të përballet me çdo kërcënim që mund të vijë nga Serbia, e cila ka dislokuar ushtrinë në numër të madh pranë kufirit me Kosovën.
Maqedonci për “Anadolu” ka folur në lidhje me tensionet e fundit me Serbinë, procesin e transformimit të FSK-së në ushtri dhe planet për anëtarësimin e Kosovës në NATO, ndihmën ushtarake për Ukrainën dhe marrëdhëniet ushtarake turko-kosovare, ndërsa ka vlerësuar se vendosja e njësive të shumta të ushtrisë serbe në jug të territorit të saj, afër kufirit me Kosovën, paraqet rrezik për vendin.
“Ne jemi gjithmonë të gatshëm. Njësitet e FSK-së janë të gatshme kundër të gjitha llojeve të kërcënimeve dhe rreziqeve me të cilat mund të përballet vendi ynë”, ka thënë ai.
Tutje, sipas tij, ushtria dhe xhandarmëria serbe kanë 48 baza operative afër kufirit me Kosovën.
Maqedonci ka deklaruar se Kosova dhe vendet e tjera fqinje e shohin armatimin e ushtrisë serbe dhe blerjen e sistemeve të ndryshme të armatimit nga Kina, Rusia dhe Irani si kërcënim të vazhdueshëm për sigurinë, teksa tha se këto veprime bazohen në politikën hegjemoniste dhe agresive të Qeverisë së Serbisë ndaj Kosovës dhe fqinjëve të tjerë, transmeton albinfo.ch.
“E gjithë kjo është thënë qartë. Së fundmi ka pasur deklarata të presidentit Vuçiq se Serbia është duke pritur kohën e duhur për aksion ushtarak kundër Kosovës. Pra, kjo na mban vigjilentë, nuk kemi frikë nga këto ngjarje, por na tregon se duhet të përmirësojmë kapacitetet tona dhe të ndërtojmë ushtrinë tonë, jo vetëm që të përballemi me këtë kërcënim, por edhe të përballemi me kërcënime të tjera që ndikojnë në sigurinë e vendit dhe territorit tonë”, ka thënë ai.
Ai ka njoftuar se FSK-ja është në fazën e dytë të transformimit në ushtri, me fokus në rritjen e kapaciteteve të këmbësorisë dhe luftarake për mbrojtje, ndërsa në fazën e tretë dhe të fundit do të hyjnë në vitin 2025. Maqedonci ka thënë se në këtë kuadër fokusi do të jetë ndërtimi i artilerisë, mbrojtjes ajrore dhe kapaciteteve mbështetëse luftarake deri në vitin 2028.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë frangash, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës