Shqipëri: Rekordi i turistëve shoqërohet me rritje të çmimeve

Keystone (AP Photo/Hektor Pustina)

Numri rekord i turistëve në Shqipëri është raportuar se po shoqërohet me rritje të çmimeve.

Vlora tashmë mund të quhet ‘qyteti i turizmit gjithëvjetor’, pasi ndonëse është ende muaji prill, plazhet janë të mbushura plot me vizitorë, transmeton albinfo.ch.

Operatorët turistikë po thonë se deri më tani numri i prenotimeve krahasuar me vitin e kaluar është 20% më i madh.

Por rritja e numrit të turistëve ka sjellë dhe rritje të çmimit të pronës në qytetin bregdetar. Kjo pasi të huajt po interesohen akoma për të blerë apartamente në këtë zonë. Çmimi për metër katror i të cilëve momentalisht shkon 2500-3500 euro.

Por sipas kreut të Dhomës së Tregtisë Vlorë, çmimi mund të rritet akoma më shumë, raporton TCH. Kërkesat më të shumta për prona vijnë kryesisht nga kosovarët, italianët, por dhe gjermanët.