Sveçla: Serbia ka pretendime territoriale ndaj Kosovës

Ministri i Punëve të Brendshme, Xhelal Sveçla, ka pritur në takim Tomash Czernin, nënkryetar i Senatit të Parlamentit dhe Pavel Fischer, kryetar i Komisionit për Punë të Jashtme, Siguri dhe Mbrojtje të Çekisë, ku kanë diskutuar mbi situatën aktuale të sigurisë dhe sfidat e vazhdueshme të shkaktuara nga Serbia.

Sveçla në takim prezantoi angazhimet e Qeverisë Kurti në fushën e sigurisë publike.

“Diskutuam për situatën aktuale të sigurisë dhe për sfidat e vazhdueshme të shkaktuara nga Serbia, e cila vazhdon të ketë aspirata territoriale ndaj vendit tonë. E falënderova delegacionin çek për reagimin publik në dënimin e sulmit terrorist të 24 shtatorit dhe zbardhjen e të gjitha rrethanave të këtij sulmi”, ka shkruar ai.