Mërgimtarët hasin në probleme gjatë regjistrimit të popullsisë, ReKos 2024

Probleme me dërgimin e kodit në email dhe mosparaqitja e linjave ndihmëse dedikuar Diasporës, vështirëson regjistrimin e mërgimtarëve.

Mërgimtarët në Diasporë kanë adresuar tek Albinfo.ch shumë probleme lidhur me regjistirmin online të popullsisë.

Për plotësimin e të dhënave për regjistrim, shumë qytetarë nga Diaspora thonë se nuk u vjen kodi në email, për të vazhduar regjistrimin dhe, në fund, edhe pas plotësimit, nuk tregohet se sa persona të familjes janë regjistruar nga Diaspora.

F.R. nga nga kantoni i St.Gallen, me origjina nga Gjilani, tregon se po haset së bashku me familjen në shumë probleme në webin për t’u regjistruar.

“Ka dy ditë që po provoj të regjistrohem unë dhe familja ime, por nuk arrijmë dot, sepse kodi për të vazhduar në regjistrim nuk më vjen në email, pavarësisht se kam provuar disa herë”, tregon ai.

Ndërkohë edhe numrat e telefonit dedikuar për ndihmën e udhëzimeve për Diasporë nuk funksionojnë dhe nuk paraqitet askush, tregojnë mërgimtarët.

 

---