Kaleen performoi në skenën e Malmos, duke përfaqësuar Austrinë

Një dekadë pasi Conchita Wurst bëri histori dhe fitoi Eurovision Song Contest në emër të Austrisë, këngëtarja Kaleen shpreson të përsëritet me himnin e saj të klubit “We Will Rave”.

Këngëtarja dhe balerina 29-vjeçare performoi në Festivalin e 68-të të Këngës në Eurovizion, i cili po mbahet nga vendi pritës, Suedi, në Malmö Arena.

Kaleen, e cila vjen nga Reid im Traunkreis në Austrinë e Epërme, ka fituar më shumë se 100 kampionate kombëtare dhe evropiane të kërcimit, teksa as në skenë nuk munguan lëvizjet mbresëlënëse gjatë performancës.

Ajo gjithashtu ka mjaft eksperiencë në Eurovizion, pasi ka mbështetur vende, duke përfshirë Austrinë, Armeninë, Gjeorgjinë dhe Gjermaninë me shfaqjet e tyre skenike në vitet e fundit.