Cilat janë 2 datat e mundshme për mbajtjen e zgjedhjeve në Kosovë?

Foto Ilustrim

30 qershori ose 7 korriku. Këto po shihen opsionet e mundshme të datave të mbajtjes së zgjedhjeve të parakohshme në Kosovë, në rast se gjendet zgjidhje e shpërbërjes së Kuvendit apo dorëheqjes eventuale të Qeverisë, shkruan albinfo.ch.

Shefi i GP të PDK-së, Abelard Tahiri, ka thënë se zgjidhja më e mirë është që më 30 maj të shpërndahet Kuvendi dhe t’i hapet rrugë mbajtjes së zgjedhjeve, me 30 qershor ose më 7 korrik.

Ai përmes një postimi në Facebook, ka thënë se nëse nuk mbahen zgjedhjet në këto dy data, atëherë s’do të ketë deri në fund të mandatit të Qeverisë.

“E vetmja zgjidhje për mos t’ia zgjatur jetën kësaj qeverie edhe për tetë muaj është që më 30 maj ta shpërndajmë këtë legjislaturë dhe kështu t’i hapim rrugë mbajtjes së zgjedhjeve të parakohshme më 30 qershor ose më 7 korrik”, ka shkruar ai.

Megjithatë 2 partitë tjera opozitare, LDk dhe AAK nuk preferojnë shpërbërjen e Kuvendit për të çuar vendin në zgjedhje. Sipas tyre kryeninistri Kurti duhet të japë dorëheje për të hapur rrugën e zgjedhjeve.

Mundësinë për të shkuar në zgjedhje nuk e ka mohuar as kryeministri Albin Kurti, por ky i fundit, në deklarimet publike ka lënë të nënkuptohet se nuk do të japë dorëheqje derisa mundësinë e zgjedhjeve e ka parë vetëm nëse kjo ndodh me konsensus për shpërndarje të Kuvendit.