Ernest Muçi dhe Milot Rashica fitojnë Kupën e Turqisë

Futbollisti i kombëtares së Shqipërisë, Ernest Muçi, i shoqëruar nga “ylli” i “Dardanëve”, Milot Rashica, ia arritën të “mbërthenin” Kupën e Turqisë, në një duel tejet luftarak, ndaj Trabzonspor, në “mitikun” e “Ataturk”, ku dhuruan spektakël një ndeshje 5-golëshe, përcjell albinfo.ch.

Në stadiumin “Ataturk” ishte Trabzonspori i Enis Bardhit që gjeti golin e avantazhit me anë të Onuachu në minutën e 13’, ndërsa “Shqiponjat e zeza” barazuan me anë të Ghezzal në shtesën e pjesës së parë, pas një 11-metërshi të ekzekutuar mrekullisht për të shkuar me rezultatin 1-1 në dhomat e zhveshjes.

Pjesa e dytë ishte edhe më emocionuese, me “Bardhezinjtë”, që gjetën golin e avantazhit me Ucan në minutën e 54′-t, ndërsa fundi u bë edhe më interesant, pasi fillimisht Pepe barazoi shifrat për Trabzonspor në minutën e 89’, por kur dukej se finalja do t’i drejtohej shtesës, pasi vetëm pak minuta më vonë Al Musrati shënoi një gol mjaft të bukur nga distanca dhe i dha suksesin “gjigantëve” të Stambollit.

Vlen të theksohet se Ernest Muçi ishte titullar te Beshiktashi dhe u zëvendësua vetëm në shtesë, ndërsa Rashica erdhi nga stoli për të luajtur disa minuta.

Kështu “Shqiponjat e zeza”, të Beshiktashit, e fitojnë këtë trofe për herë të 11-të në histori, të dytë në radhë, pas rivalëve të Gallatasaraj, me 18 suksese.