Osmani pret në takim Tony Blair

Presidentja e Kosovës, Vjosa Osmani ka pritur në takim ish-kryeministrin e Britanisë, Tony Blair.

Blair po qëndron në Kosovë për të shënuar 25 vjetorin e përfundimit të luftës.

“Mirë se vjen në Kosovën e lirisë, shpresës, demokracisë, Kryeministër Tony Blair! 25 vjet më vonë, trashëgimia juaj vazhdon. Do të mbeteni gjithmonë kampion i popullit të Kosovës!”, shkroi Osmani.

Në orën 10:10 Blair do të takojë kryetarin e Kuvendit, Glauk Konjufca. Pas këtij takimi në orën 10:25 Blair do të marrë pjesë në seancën solemne ku do t’u adresohet deputetëve.

Në 10 e 45 Blair do të takojë edhe kryeministrin e Albin Kurti.
Ish-kryeministri britanik, Tony Blair, në 12:30 do të takohet me kryetarin e Prishtinës, Përparim Rama.

Me këtë rast, atij do t’i ndahet “Çelësi i qytetit”.

Ndërkohë që në orën 13:00 mbahet ceremonia e dhënies së titullit “Qytetar Nderi i Kryeqytetit” për Tony Blair.