Kosova bëhet me Ligj të ri për sportin

Deputetët e Kuvendit të Kosovës kanë votuar pro Ligjit të ri për sportin, përcjell albinfo.ch.

Ministria e Kulturës, Rinisë dhe Sportit tha se për “reformën më të thellë sportive” është punuar 2 vjet profesionalisht dhe në bashkëpunim me të gjitha strukturat në vend.

Ligji i ri për sportin, ndër të tjera, parasheh:

Riorganizim të sistemit institucional në sport.

Fuqizim dhe funksionim efikas të organizatave qendrore sportive.

Përcaktim i kushteve dhe kritereve për sportistin, trajnerin, agjentin sportiv dhe gjithë akterët e tjerë.

Financim të qëndrueshëm dhe transparent të të gjitha organizatat sportive.

Planifikim, investim, menaxhim dhe mirëmbajtje efektive të infrastrukturës sportive.

“Me këtë ligj vendoset standard i ri i zhvillimit të politikës sportive në vend”, tha MKRS-ja.