Kurti: Kurrë nuk do ta harrojmë sakrificën e Afrim Bunjakut

Kurti: Afrim Bunjaku humbi jetën duke mbrojtur sovranitetin e Kosovës

 

Kryeministri i Kosovës, Albin Kurti, ka përkujtuar rreshterin e Policisë së Kosovës, Afrim Bunjaku, në njëvjetorin e vrasjes.

Ai ka shkruar në Facebook se sakrifica e heroit nuk do të harrohet kurrë, duke shtuar se Bunjaku humbi jetën “duke mbrojtur sovranitetin dhe integritetin territorial të Republikës së Kosovës”.

Qeveria e Kosovës dje në mbledhje ka ka vendosur që rrugën rajonale R-217, segmentin Ballaban- Banjskë, ta emërtojë ‘’Afrim Bunjaku’’, emër i Heroit të Republikës së Kosovës, përcjell albinfo.ch.

Kurti është shprehur se në njëvjetorin e sulmit terrorist dhe paramilitar kundër vendit tonë në Banjskë të Zveçanit, nderojmë e kurrë nuk harrojmë sakrificën e heroit, rreshterit Afrim Bunjaku, siç shkroi ai, që humbi jetën duke mbrojtur sovranitetin dhe integritetin territorial të Republikës së Kosovës.

“Në mbledhjen e 221-të të Qeverisë, ndër vendimet tona kryesore ishte emërtimi i Rrugës Rajonale R-217 segmenti: Ballaban – Banjskë, me emrin e Heroit të Republikës së Kosovës “Afrim Bunjaku”.

“Në njëvjetorin e sulmit terrorist dhe paramilitar kundër vendit tonë në Banjskë të Zveçanit, nderojmë e kurrë nuk harrojmë sakrificën e heroit, rreshterit Afrim Bunjaku, që humbi jetën duke mbrojtur sovranitetin dhe integritetin territorial të Republikës së Kosovës”, ka shkruar Kurti.

Kryeministri Kurti ka treguar edhe disa vendime të tjera që janë marrë në këtë mbledhje:

“Ndamë 219,000.00€ për organizimin e Forumit Ekonomik në Paris dhe promovimin e teknologjisë së informacionit me qëllim të tërheqjes së investimeve në kuadër të kësaj fushe, përmes organizatave lidere gjatë javës së TIK/ICT.

Aprovuam katër Rregullore:

Rregulloren për Vlerësimin e Rezultateve në Punë;

Rregulloren për Procedurat e Konkurrimit për Nëpunësit Teknikë dhe Mbështetës;

Rregullore për Pezullimin nga Marrëdhënia e Punës;

Rregullore për Përfundimin e Marrëdhënies së Punës në Shërbimin Civil.

-Emëruam kryesuesin e ri të Bordit të Postës së Kosovës dhe Drejtorin Ekzekutiv në Agjencinë për Menaxhimin e Emergjencave”.

 

---