Mbrëmje kulturore në bibliotekën “Pestalozzi” të Cyrihut

Promovohet libri "Kumbime”, me përkthime të poezive nga letërsia botërore, i përkthyeses letrare Irena Dono Jorgaqi

Të premten, më 8 nëntor, me fillim nga ora 19:00, në bibliotekën “Pestalozzi” në PBZ Hardau të Cyrihut do të ketë një mbrëmje të veçantë poetike dhe artistike. Bëhet fjalë për promovimin e librit “Kumbime”, me përkthime të poezive nga letërsia botërore, të përkthyeses së dëshmuar letrare, Irena Dono Jorgaqi.

Ambientet e bibliotekës tashmë të njohur për aktivitetet e saj kushtuar kulturës shqiptare do të stolisen nga pikturat e bukura të Mira Donos.

Atmosferën e mbrëmjes do ta fisnikërojë edhe prania muzikore, gjegjësisht këngët që do t’i interpretojë këngëtarja e njohur shqiptare, Mimoza Selimi, e cila jeton dhe krijon në Zvicër.

Adresa: PBZ Bibliothek Hardau, Norastrasse 20, 8004 Zürich
Data: 8 nëntor, nga ora 19.00

---