Von der Leyen vazhdon turin ballkanik – nesër vjen në Prishtinë

Presidentja e Komisionit Evropian, Ursula von der Leyen, po vazhdon turin e saj ballkanik.

Ajo ka udhëtuar drejt Bosnjë e Hercegovinës pas Maqedonisë së Veriut dhe Tiranës, nga ku ka postuar edhe një video në rrjetin social “X”.

Von der Leyen tha se i është “thyer zemra” pasi pa shkatërrimin e shkaktuar nga përmbytjet e fundit atje.

“Sot në Bosnjë e Hercegovinë, në zemër të Evropës, pashë shkatërrimin e shkaktuar nga përmbytjet e fundit. Mbeta zemërthyer. Evropa qëndron me ju. Ne do t’ju ndihmojmë të rikuperoni dhe rindërtoni. Kjo është ajo që do të thotë të jesh një fqinj, një partner dhe një anëtar i ardhshëm i BE-së”, ka shkruar Von der Leyen.

Pas Bosnjë e Hercegovinës, Von der Leyen do të vizitojë Prishtinën. Të shtunën ajo pritet të mbajë takime të ndara me presidenten Vjosa Osmani dhe kryeministrin Albin Kurti.

https://x.com/vonderleyen/status/1849486512901001667?ref_src=twsrc%5Etfw%7Ctwcamp%5Etweetembed%7Ctwterm%5E1849486512901001667%7Ctwgr%5Ec025f974a7460bb22289a20bc71a6cedc5d602f5%7Ctwcon%5Es1_&ref_url=https%3A%2F%2Fklankosova.tv%2Fvon-der-leyen-vazhdon-turin-ballkanik-neser-vjen-ne-prishtine%2F