Italia dërgon 200 trupa “të përkohshëm”, do të merren edhe me zgjedhjet në vend

Foto FB: NATO Kosovo Force - KFOR

200 trupa italiane, rezervistë të KFOR-it, kanë arritur sot në Prishtinë, për të përforcuar aleancën e NATO-së në Kosovë.

Sipas njoftimit për media, vendosja dhe qëndrimi i tyre në Kosovë është i përkohshëm, transmeton albninfo.ch.

“Në muajt në vijim, më shumë se 200 ushtarë, nga brigada e mekanizuar e këmbësorisë italiane “Sassari”, do të kryejnë një sërë aktivitetesh, së bashku me trupat e KFOR-it dhe do të dislokohen në përgjigje të çdo zhvillimi të rëndësishëm për situatën e sigurisë, përfshirë edhe gjatë periudhës së zgjedhjeve”, thuhet në njoftim.