E-Diaspora
Shqiptari „lufton” në ring kundër kancerit
Më 2 maj për herë të tretë Thaiboksierët nga e gjithë bota do të vijnë në Winterthur jo për të fituar ndonjë titull, por për të qenë pjesë e një mbrëmjeje bamirësie që e organizon shqiptari me origjinë nga Kosova, Mustaf Kicaj.
Dy vjet më parë, në një gala mbrëmje me karakter humanitar “Art of Fighters” Kicaj kishte mbledhur 10.100 franga, ndërsa një vit më vonë, më 2014, kishte mbledhur po në një mbrëmje të tillë 13 mijë franga dhe i kishte dedikuar të gjitha për Ligën e Kancerit në Zvicër „Krebsliga”.
Më 2 maj kampioni i trefishtë, njëherësh themeluesi i shkollës „Thaiboxcenters”, “Musti Gym”, ka mbledhur boksierë të klasit botëror me emrin e ri “International Charity Fights”.
Përveç kësaj, Kicaj ka plane më të mëdha këtë vit. Palestra e patinazhit „Deutweg” në Winterthur do të jetë e mbushur dhe të paktën shpreson të mbledhë 50 mijë franga për Ligën e Kancerit.
“Kanceri është armiku ynë më i madh ,ndaj të cilit ne duhet të luftojmë”, thotë Kicaj për albinfo.ch.
Kjo është arsyeja pse ai kishte vendosur për t’i investuar paratë për të hulumtuar për një ilaç të kancerit.
Ai shpreson se klubet dhe të tjerët do të mbështesin idenë e tij dhe të organizojnë ngjarje të karaketerit të tillë.
Më 2 maj do të zhvillohen 20 meçe në Winterthur. Në meçin kryesor përballen legjenda franceze Crice Boussoukou në ring me Mehmet Özalp.
Është veçanërisht krenar Mustaf Kicaj për taiboksierët në Winterthur: Albin Daci, Manuel João, Roman Lüscher, Bledar Dakaj dhe Abdullah Aidarus, të cilët gjithashtu do të ngjiten në ringun e Winterthurit.
Një tjetër përballje do të jetë edhe ylli I Thaiboksit, Ray Sefo, nga Las Vegas.
Kicaj fton dashamirët e boksit që të vijnë në këtë gala mbrëmje bamirësie, ngase me prezencën e tyre nuk do të shikojnë vetëm spektakël boksi, por edhe do të ndihmojnë të gjithë njerëzit që janë të prekur nga kanceri.
Gala bamirësie mund të ndihmohet edhe me anë të SMS që kushton 10 franga me fjalën “Fight 10” në numrin 488.
Biletat për mbrëmjen e 2 majit “International Charity Fights” tashmë janë në dispozicion në vlerë prej 15 frangash.
Më shumë: www.musti-gym.ch
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut