Kurti flet pas gjobës së Gjykatës: “Më dënojnë nganjëherë, por mos u mërzitni ju”

Foto: Albin Kurti

Kryeministri në detyrë i Kosovës, Albin Kurti, ka komentuar raportimet se është dënuar me 250 euro nga Gjykata Themelore në Prishtinë për shkak të mosparaqitjes në Prokurorinë Speciale për të dëshmuar lidhur me rastin e rezervave shtetërore.

“Më dënojnë mua nganjëherë, por mos u mërzitni ju,” ka deklaruar ai, raporton KP.

Që nga fundviti i kaluar, kryeministri në detyrë ishte paralajmëruar se do të gjobitej nëse nuk paraqitej për të dëshmuar në Prokurorinë Speciale. Ai ka insistuar që prokurorët ta marrin në pyetje në zyrën e tij, duke thënë se ka precedent për këtë, por gjykata e ka urdhëruar të dëshmojë në prokurori, transmeton albinfo.ch.