Për të tretën herë protestuesit i thonë jo rritjes së çmimit të energjisë elektrike

Mësohet se përfaqësuesit e grupit “Asnjë Cent më Shumë” dhe qytetarë kanë protestuar sot kundër rritjes së tarifës së energjisë elektrike, përcjell albinfo.ch.

Kjo protestë u mbajt si përgjigje e drejtpërdrejtë ndaj vendimit të Zyrës së Rregullatorit për Energji (ZRRE), të cilin e kanë cilësuar si “të padrejtë dhe jo legjitim”.

Qytetarët në këtë protestë mbanin pankarta si: “Asnjë cent ma shumë”, “Shkarkim, jo shtrenjtim”, “Shkarkojeni bordin”, “ZRRE nuk na përfaqëson”, “Nuk paguajmë për dështime tuaja”.

Ndryshe, është thënë se, nëse nuk ka reflektim, do të detyrohen ta masivizojnë protestën.