Zvicra vendos sanksione ndaj tetë mediave ruse

(KEYSTONE/Anthony Anex)

Zvicra ka vendosur të zgjerojë listën e saj të sanksioneve, duke përfshirë tetë media ruse, sipas një njoftimi zyrtar nga Sekretariati i Shtetit për Çështjet Ekonomike (SECO).

Në listën e re përfshihen:

• portali i lajmeve Lenta.ru

• televizioni Zvezda

• gazeta Krasnaya Zvezda

• agjencitë News Front, SouthFront, RuBaltic.ru

• Fondacioni Strategic Culture

Masat kufizuese do të hyjnë në fuqi më 23 prill, përcjell albinfo.ch.

Ky vendim vjen në vijim të sanksioneve të Bashkimit Evropian, i cili më 24 shkurt prezantoi paketën e 16-të të masave ndëshkuese kundër Rusisë. Në kuadër të saj, BE-ja ndaloi transmetimin e disa mediave të ngjashme, përfshirë ato që tashmë janë në listën e sanksioneve të Zvicrës.

Qëllimi i kësaj lëvizjeje është frenimi i përhapjes së dezinformimit dhe propagandës nga mediat që akuzohen për afilacione të ngushta me Kremlinin.