Zvicër: Rritje shqetësuese e dhunës fizike ndaj fëmijëve

@pixabay

Në vitin 2024, në Zvicër u raportuan 705 raste të dhunës fizike ndaj fëmijëve – 153 më shumë se një vit më parë. Katër fëmijë humbën jetën si pasojë e abuzimit, tre prej tyre në vitin e parë të jetës.

Sipas statistikave kombëtare të mbrojtjes së fëmijëve, mbi 2 000 fëmijë u trajtuan për dyshime mbi abuzim. Më shumë se 40 për qind ishin nën moshën gjashtë vjeç. Shumica e rasteve ndodhën brenda familjes, ndërsa numri i autorëve të mitur është në rritje, transmeton albinfo.ch.

Ekspertët theksojnë vështirësitë në diagnostikim, veçanërisht në rastet e abuzimit psikologjik dhe sindromës Munchausen.