Dështon edhe tentimi i 22-të për konstituimin e Kuvendit

Edhe një tentim i dështuar, sërish s’ka konstituim

Për herë të 22-të, deputetët kanë dështuar ta konstituojnë Kuvendin e Kosovës, përcjell albinfo.ch.

Që nga 15 prilli, deputetët janë bllokuar në pikën e tretë të seancës konstituive – atë të zgjedhjes së kryeparlamentarit.

Teksa fillimisht nuk mund të bëhej shumica për ta votuar emrin e Albulena Haxhiut të Lëvizjes Vetëvendosje, tash partia fituese e zgjedhjeve po kërkon votimin e një komisioni për të mbajtur votim të fshehtë.

Edhe kjo nuk po merr shumicën dhe seancat po mbahen çdo 48 orë, sipas Rregullores.

Seanca e ardhshme do të mbahet më 29 maj, në orën 11:00.

---