Studentët e arkitekturës së UP-së fitojnë vendin e parë në “Inspireli Awards”

“Projekti “Sustainable Village - ECOUNITY”, ka bërë që Fakulteti i Arkitekturës në Universitetin e Prishtinës të renditet në Top 10 në botë

Fakulteti i Arkitekturës në Universitetin “Hasan Prishtina”, ka njoftuar se studentët e këtij departamenti kanë arritur që ta fitojnë vendin e parë ditë më parë në edicionin e 9-të të Inspireli Awards, konkursit ndërkombëtar më prestigjioz për studentë të arkitekturës dhe dizajnit, përcjell albinfo.ch.

“Projekti “Sustainable Village  ECOUNITY”, i realizuar nga Sibora Ramadani, Eron Shala, Bleranda Hykosmoni dhe Albina Zenunaj, nën mentorimin e Prof. Asst. Rozafa Basha, ka bërë që Fakulteti i Arkitekturës në Universitetin e Prishtinës të renditet në Top 10 në botë  një arritje e jashtëzakonshme dhe historike për institucionin tonë”, thuhet në njoftim.

Po ashtu, ata patën mundësi që të marrin pjesë në hapjen solemne të Muzeut të Schindler-it  një ngjarje me rëndësi të thellë historike dhe kulturore, që përfaqëson kujtesën, humanizmin dhe fuqinë e brezit të ri për të ndikuar pozitivisht në shoqëri. /Albinfo.ch

---