7 milionë franga nga Zvicra për shëndetësinë në Kosovë

Ministria e Shëndetësisë do të nënshkruajë sot Marrëveshje bashkëpunimi me Agjencinë Zvicerane për Zhvillim dhe Bashkëpunim (SDC)

7 milionë franga zvicerane është vlera e donacionit nga Agjencia Zvicerane për Zhvillim dhe Bashkëpunim (SDC) që do të ndahet në periudhën dhjetor 2015- nëntor 2019 për projektin Kujdesi shëndetësor i përballueshëm dhe cilësor për Kosovën.

Për këtë Ministria e Shëndetësisë do të nënshkruajë sot Marrëveshje bashkëpunimi me Agjencinë Zvicerane për Zhvillim dhe Bashkëpunim (SDC).

Kjo marrëveshje mbështet projektin i cili mundëson që ofruesit e kujdesit primar shëndetësor të jenë të trajnuar dhe të pajisur të kryejnë shërbime cilësore në fushat klinike prioritare, përmes mbështetjes së programeve në faza të ndryshme përmes grantit në vlerë prej 7 milionë frangave, njofton Ministria e Shëndetësisë e Kosovës.