Zelensky: Ukraina nuk do të heqë dorë nga territori që Rusia nuk e ka pushtuar

EPA/SERGEY DOLZHENKO

Presidenti i Ukrainës, Volodymyr Zelensky, ka deklaruar se vendi është i gatshëm të flasë për ndryshime territoriale si pjesë e një marrëveshjeje paqeje për t’i dhënë fund pushtimit rus, por Kievi nuk do të heqë dorë nga toka që forcat e Moskës nuk e kontrollojnë.

” Ne kemi nevojë për negociata të vërteta, që do të thotë se ato mund të fillojnë aty ku është vija e frontit tani. Vija e kontaktit është vija më e mirë për të biseduar “, deklaroi ai.

Sipas Zelenskyt, Rusia nuk ka arritur të pushtojë rajonin e Donetskut në Ukrainën Lindore, të cilin Moska është përpjekur ta kontrollojë që nga viti 2014.

” Putin nuk ka qenë në gjendje ta marrë atë për 12 vjet, dhe kushtetuta e Ukrainës e bën të pamundur të hiqet dorë nga territori ose të bëhet tregti me tokën “, tha ai, transmeton albinfo.ch.