Von der Leyen në Kosovë, pritet nga Osmani

Nis takimi i Osmanit me Von der Leyenin

Presidentja e Komisionit Evropian, Ursula von der Leyen, është pritur në takim nga presidentja e vendit, Vjosa Osmani, përcjell albinfo.ch.

Pas vizitës së saj në Beograd, ku është takuar me presidentin serb Aleksandar Vuçiq, Von der Leyen ka arritur në Prishtinë, ku do të takojë krerët shtetërorë në orët e pasdites.

Mediat janë lejuar të marrin vetëm pamje para se të fillojë takimi, teksa nuk dihet nëse do të ketë adresim për media. 

Von der Leyen pas Osmanit do të takohet me kryeministrin në detyrë, Albin Kurti, të cilin do ta takojë në sallën e Kuvendit dhe jo në zyrën e tij pas vendimit të BE-së që takimet me të të mos mbahen në objektin qeveritar deri në formimin e një qeverie me mandat të plotë.

Shefja e BE-së erdhi në Prishtinë nga Beogradi, ndërsa pas përfundimit të vizitës këtu do të niset drejt Shkupit.

---