Bekim Zogaj referon ndeshjen mes Kukësit dhe Torpedos

Gjyqtari i ndeshjeve futbollistike, Bekim Zogaj, do të jetë pjesë e treshes së referëve zviceranë, të cilët do të referojnë në ndeshjen mes skuadrës shqiptare Kukësi dhe asaj bjelloruse Torpedos, njofton albinfo.ch.

Loja, e cila është e vlefshme për kupën evropiane, do të zhvillohet më 2 korrik në stadiumin shqiptar “Qemajl Stafa” në Tiranë. Treshja e gjyqtarëve do të kryesohet nga Sascha Amhof, ndërkohë Zogaj me pasaportë zvicerane do të jetë njëri nga asistentët.

Bekim Zogaj është i lindur në Deçan, ndërsa prej shumë vjetësh jeton në Zvicër. Ai është i pajisur me licencë ndërkombëtare për referim dhe është i vetmi shqiptar që referon në supërligën zvicerane dhe ndeshje të futbollit evropian.

Referi Zogaj gjatë viteve të fundit ka qenë shumë aktiv, duke ndihmuar me pajisje sportive kolegët e tij kosovarë.