Në Mitrovicë, nis fushata “Diaspora gjelbëron vendlindjen”

Organizata “7Arte” nga Mitrovica e mbështetur dhe nga Ministria e Diasporës, ka nisur kampanjën “Diaspora gjelbëron vendlindjen” me moton “Rikthe rrënjët në atdheun tënd”, raporton Radio Televizioni i Kosovës (RTK).

Qëllimi i kësaj kampanje, sipas organizatorëve, është që të rritet roli i diasporës në zhvillimin e qëndrueshëm të rajonit të Mitrovicës duke sjell investime dhe përvojat e tyre në përmirësimin e mjedisit.

“7Arte” dhe Ministria e Diasporës përmes këtij projekti po synojnë të sigurojnë mbëltimin e 300 fidanëve në zonat më të ndjeshme mjedisore në rajonin e Mitrovicës.

“Mërgimtarët, si dhe gjithë qytetarët vullnetmirë mund të japin kontributin e tyre përmes blerjes së fidanëve/drunjve të gjelbër, blerjes së çantave nga material i ricikluar dhe blerjes së fanellave apo butonëve”, ka thënë organizatori.