Pas disfatës në “luftën” për Kupën e Austrisë, Vesel Demaku ka synim qëndrimin në elitë

FotoFB: SCR Altach

Në finale të Kupës së Austrisë, të premten, futbollisti nga Kosova, Vesel Demaku shënoi ndaj LASK-ut, duke çuar rezultatin në 2:1 në minutën e 31-të.

Megjithatë, ekipi i Altachut, u mposht pas vazhdimeve 4:2.

Mesfushori i Kosovës, tani synim ka qëndrimin në elitën austriake të futbollit.

“Do të udhëtojmë për në shtëpi dhe qëkur të zbresim nga aeroplani, do të jemi të fokusuar plotësisht te Wolfsbergeri”, ka deklaruar 26-vjeçari pas ndeshjes, pasi fitorja në shtëpi ndaj Wolfsbergerit do t’ia siguronte Altachut qëndrimin në elitë.

Ndeshja Altach – Wolfsberger luhet nesër nga ora 18:30, teksa në ekipin e Altachut ndihmëstrajner është edhe ish-sulmuesi i Kosovës, Atdhe Nuhiu.