Dy të rinj nga Kosova kapen me armë gjatë kontrollit të makinës

Gjatë një operacioni të realizuar në kantonin e Schwyzt, policia arrestoi dy të rinj për bartje armësh pa leje dhe mjetesh për vjedhje

Të shtunën në mbrëmje, policia kantonale e Schwyz, së bashku me policinë kantonale të Cyrihut, kryen një operacion të përbashkët hetimor penal. Policia e Schwyz deklaroi në një njoftim për shtyp të martën se “fokusi ishte në vendet kyçe si stacionet e trenave, zonat buzë liqenit dhe autostrada A3.”, transmeton albinfo.ch

Patrullat nga policia e kantoneve të Schwyzit dhe Cyrihut ndaluan një furgon shpërndarjeje në autostradën A3 që përdorte targa të vjedhura, shkruan polizeinews.ch. Brenda automjetit, që i përkiste shoferit 27-vjeçar dhe pasagjerit të tij 26-vjeçar, policët gjetën, ndër të tjera, një pistoletë, maska dhe mjete për vjedhje.

Sipas policisë, shtetasi 26-vjeçar kosovar gjithashtu banonte ilegalisht në Zvicër dhe kërkohej me një urdhër arresti ndërkombëtar.

Prokuroria Publike e Schwyzit ka hapur procedurë penale kundër dy kosovarëve dhe ka kërkuar paraburgim nga gjykata e masave të detyrueshme, përcjell albinfo.ch. Së bashku me Policinë Kantonale të Schwyzit, Zyra e Prokurorit Publik po kryen hetimin dhe po përcakton nëse dy personat e arrestuar janë përgjegjës për vepra të tjera penale.

Prezumimi i pafajësisë vlen për të dy të përmendurit.

(Foto: KAPO Schwyz)

---