Përplaset avioni i vogël, shqiptari shpëton pilotin zviceran

Zeqir Rexhaj (49) ishte i pari që kishtë mbrritur në vendin e përplasjes së avionit në Muhen AG. Ai ka shpëtuar pilotin nga rrënojat e avionit që po digjej.

Në mesditë në komunën Muhen në Argau është rrëzuar një aeroplan i vogël. Gjatë rrëzimit, avioni u përplas me një makinë. Nga ky aksident kishte marrë plagë piloti dhe shoferi i automjetit.

20min raporton se pa ndihmën e Zeqir Rexhaj (49) nga Wohleni AG, piloti zviceran ndoshta nuk do t’i kishte  mbijetuar rrëzimit.

Sipas 20min kosovari nxorri pilotin në minutën e fundit nga aeroplani të cilin e kishte kapluar zjarri, përcjell albinfo.ch

Rexhaj kishte rastisur gjatë kthimin nga puna prej Dulliken drejt Köllikenit.

” Pashë në të djathtë një avion shumë ulët duke fluturuar. Ishte e çuditshme, sepse aty afër nuk ka asnjë pistë “, thotë Rexhaj.

Gjatë rrëzimit avioni u përplas me një veturë, duke e rrokullisur atë.

Ai ishte ndalur menjëherë dhe ka vrapuar në drejtim të aeroplanit të akasidentuar.

“Unë pashë që avioni ishte djegur dhe gruaja në makinë nuk ishte në rrezik, dhe  kam vendosur për të ndihmuar pilotin”, thotë Rexhaj, tranemton albinfo.ch.

“Unë reagova dhe e kapa për koke duke e tërhequr nga avioni”, tha Rexhaj.

Më pas Rexhen e kishin ndihmuar disa kalimtarë të tjerë për të tërhequr viktimën më largë avionit që ishte rrezik të shpërthentë në cdo moment.

“Jam shumë i lumtur që kam mundur ta ndihmojë pilotin”, thotë Rexhaj duke shpresuar se mund ta vizitojë në spital ditët në vjim.

” Shpresoj se ai do të vazhdojë të ketë një jetë të gjatë dhe të lumtur pas këtij incidenti.”, thotë Rexhaj.