BE, 17 milionë € shtesë për Maqedoninë dhe Serbinë

Komisioni Evropian ka miratuar të enjten vendimin për një fond shtesë prej 17 milionë eurosh që do t’i ndahet si ndihmë Maqedonisë dhe Serbisë për zgjidhjen e problemit të refugjatëve, njoftojnë mediat nga Brukseli.

KEYSTONE

10 milionë do të ndahen për forcimin e kapaciteteve të të dy vendeve për të pranuar dhe akomoduar refugjatë dhe për kontrollin e kufijve, ndërsa 7 milionë të tjera për ndihma humanitare, transmeton albinfo.ch.

Vendimi për fonde shtesë për Maqedoninë dhe Serbinë ishte marrë para takimit të sotëm të ministrave të jashtëm dhe të brendshëm të BE-së dhe homologëve të tyre nga Ballkani Perëndimor, që i është dedikuar zgjidhjes së krizës së refugjatëve.

Takimi do të kryesohet nga përfaqësuesja e lartë e BE-së për Politikën të Jashtme dhe të Sigurisë, Federica Mogherini.